Interkultura Centro Herzberg (ICH) estas la komuna nomo de kunagantaj Esperanto-asocioj en la Esperanto-Centro. Laŭ kontrakto subskribita en 2006 ICH estas oficiala partnero de Herzberg am Harz - la Esperanto-urbo por plenumi Esperanto-rilatajn taskojn, realigi Esperanto-agadojn por la urbo. ICH plenumas tri ĉefajn funkciojn:

• bibliotekon, muzeon, arkivon, siajn riĉenhavajn E-kolektaĵojn
• klubkunvenojn en ĉiu semajno, ankaŭ virtualajn
• Esperanto lingvokursojn plurfoje jare en diversaj niveloj laŭ la Komuna Eŭropa Referenckadro (A1-C2)
• fakajn kursojn, fakprelegojn pri la plej diversaj temoj en Esperanto
• kulturprogramojn, Esperanto-renkontiĝojn
• tranoktejon ankaŭ per Pasporta Servo
• interkulturajn vesperojn
• virtualajn kunsidojn, eventojn per Zoom
• kunvenejon, seminariejon, lokajn servojn, modernajn teknikaĵojn ankaŭ por kunsidoj de aliaj Esperanto-organizaĵoj
• servojn kaj prizorgadon de evolupaŝoj por Herzberg am Harz - la Esperanto-urbo
• helpon por la ĝemelurba kunlaboro inter Herzberg kaj Góra (Pollando)

• klerigkursojn, trejnadon por kvalifiki estontajn movadajn aktivulojn, kursgvidantojn, Esperanto-instruistojn
• fakseminariojn kunlabore kun germanaj kaj internaciaj Esperanto-fakorganizaĵoj
• servojn, taskojn por regiona kunlaboro kun aliaj Esperanto-grupoj
• lingvoekzamenojn surloke laŭ la regularo de Germana Esperanto-Instituto (GEI)
• internaciajn projektojn, kontaktadon kun internaciaj partneroj
• landajn kaj internaciajn eventojn, organizas konferencojn, kongresojn
• kunlaboradon kun internaciaj kaj fakaj asocioj, ekz. UEA, ILEI, IFEF, SAT, ktp.
• informadon pri kulturagadoj, eventoj, ktp. al amasmedio, gazetoj, radio kaj televido
• aliajn asociojn, projektojn per spertaj Esperanto-fakuloj, instruistoj kun E-fakdiplomo: ekz. Zsófia Kóródy (ELTE, Budapest, Hungario), Peter Zilvar (UAM, Poznan, Pollando)

• informas gekolegojn pri fakaj novaĵoj, enlandaj kaj internaciaj fakaj eventoj
• funkciigas retajn dissendoliston, cirkulerojn
• organizas pedagogiajn eventojn
• ofertas trejnseminariojn, intstrukapabligajn kursojn
• partoprenas en enlandaj kaj internaciaj kunlaboroj, projektoj
• reprezentas la landan asocion en internaciaj konferencoj, kongresoj
• helpas al gekolegoj per faka, metodika konsilado, spertinterŝanĝo
• ellaboras, rekomendas, disponigas didaktikajn helpilojn
• rekomendas kaj pruntedonas lernolibrojn, lernhelpilojn, fakajn eldonaĵojn
• zorgas pri speciala pedagogia-metodika fakkolektaĵo en la ICH-biblioteko

Roloj, agadoj
Interkultura Centro Herzberg estas malfermita al vasta publiko. Ĝi

• funkcias kiel klubejo, kursejo, prelegejo, kunvenejo por fakaj kunsidoj, seminarioj, kultureventoj, memortagoj, festoj, libertempaj aktivecoj
• ludas gravan rolon en la urba vivo kiel informcentro pri Esperanto kaj lingvorilataj temoj
• ofertas siajn servojn - kiel organiza centro - al la germana kaj internacia Esperanto-movadoj
• estas t.n. metiejo, kie la diversaj specialkolektaĵoj servas lingvoinstruadon, studcelojn, klerigkursojn

• Uzo de biblioteko (ĉ. 13000 libroj), ordigita gazetarkivo, kolektaĵoj kun elektronike serĉeblaj kataloglistoj
• Surloka uzo (laŭ interkonsento pruntepreno) de centoj de sonmaterialoj, vidbendoj, kasedoj, filmoj
• Televido, video-, DVD-aparato, magnetofono, komputilo por lingvolernado, projekciiloj, papertabulo
• Freŝaj informoj pri E-movado kaj kulturo
• Interreto: sendrata retaliro (WLAN)
• Individua konsultado pri lingvo, lingvistiko, interlingvistiko, literaturo, movado, movadhistorio
• Lingva perfektiĝeblo en "Verda Familio", esperantlingva medio
• Informoj pri landaj kaj internaciaj eventoj, kulturaj kaj turismaj ofertoj en la Harz-regiono

Legoĉambro: belartaj verkoj, lernolibroj, vortaroj, lingvistika fakliteraturo ĉemane