|
||
|
Studofertoj en junio 2015
Du kurs- kaj klerigofertojn havis Interkultura Centro Herzberg en junio. Okazis la 69a Studsesio kun la ĉeftemo: Esperanto kaj kulturo. Pri tio prelegis krom Peter Zilvar ankaŭ Zsófia Kóródy. Judit Révész klarigis, kial tradukado estas tradukarto. Dum la studsemajnfino kunsidis fakuloj por kunordigo de taskoj kaj ellaboro de materialoj por nova klerigsistemo por GEA. La partoprenantoj povis ĝui la specialan fakprelegon de Franz-Georg Rössler, kiu interese prezentis la vivon kaj verkojn de J. S. Bach ankaŭ per fotoj kaj muziko. Li kaj lia edzino, Rita donis ankaŭ orgenkoncerton en la kastela muzeo. |