RSS

Projektoj


Interkultura Centro Herzberg kune kun lokaj kaj internaciaj partneroj ellaboris kelkajn sukcesajn germanajn kaj eŭropajn projektojn:

1. Góra - Herzberg: ĝemelurba projekto:  ekde 2005 regulaj renkontiĝoj, reciprokaj vizitoj de ĝemelurbaj lernejanoj, instruistoj. Esperanto-klubanoj kaj geamikoj okazas aŭ en Herzberg aŭ en Góra. En ĉiu somero gejunuloj partoprenas intensan Esperanto-kurson dum 1-semajna kunferiumado, en la t.n. Somera Arbara Lernejo (SALO), kiun komune organizas la du urboj kun financa subteno de
Deutsch-Polnisches Jugendwerk   kaj Kreis Jugendring en Osterode am Harz 

2. Enkadre de la "Vielfalt tut gut" (Bunteco bonas): projekto de la Ministerio por Familioj, Maljunuloj, Virinoj kaj Junularo (Bundesministerium für Familie, Senioren, Frauen und Jugend) partoprenis en lokaj kaj regionaj agadoj la Internacia Esperanto-Koruso
Detaloj: http://vielfalt.esperanto-urbo.de

3. Dumviva lernado programo (Lifelong Learning Programme) 
3.1 Comenius-projektoj 
3.1.1 "Lingvoj kaj landoj" enkadre de la Lifelong Learning Programme de EU (Dumviva Lernado) por lernejoj. Kunlaboris Nicolai-lernejo el Herzberg (DE), Komlóstetõi Általános Iskola el Miskolc (HU) kaj Bar Hill School (Springboard-projekto) apud Cambridge (GB). Inter 2008-2010 okazis regulaj kontaktoj inter la infanoj kun reciprokaj vizitoj al la opaj landoj:
         2009 aprilo: vizito al Bar Hill lernejo, Cambridge kaj London
         2009 oktobro: vizito al Miskolc, Lillafüred kaj Budapest
         2010 aprilo: vizito al Herzberg am Harz - la Esperanto-urbo

3.1.2 "Gvidado de la loka kastelo al la Eŭropa Domo" (A Guided Tour from the Local Castle to the European House = GUTO) estas la titolo de Comenius partnerprogramo inter 2012-2014 inter mezlernejoj/gimnazioj en Győr (Hungario), Mazara del Vallo (Italio) kaj Herzberg am Harz (Germanio). La celo de la projekto estas trejni junajn turismajn gvidantojn, kiuj lernas ne nur pri sia regiono, vidindaĵoj, geografio, historio, legendoj, ktp., sed ekhavas internacian sperton per la partneraj vizitoj kaj kunlaboro kun samaĝuloj per la uzo de Esperanto. 
          2013 aprilo: vizito al Mazara del Vallo en Sicilio/Italio
          2013 septembro: vizito al Győr, Hungario, ekskursoj al la regiono kaj al Budapest
          2013 decembro: vizito al Germanio, Herzberg am Harz, spertiĝo pri la vintro en la Harz-montaro, intensa Esperanto-lernado
          2014 aprilo: vizito al Herzberg am Harz - la Esperanto-urbo, konatiĝo kun lokaj legendoj, vidindaĵoj, ekskursoj al la regiono

4. Grundtvig-pojektoj
4.1 Grundtvig Assistant sponsorita de Lifelong Learning Programme de EU. 
Malgorzata Komarnicka staĝis en Herzberg helpe de tiu subvencio inter aŭgusto 2009 - junio 2010
Magdaléna Feifičová pasigis 10 monatojn ĉe Interkultura Centro Herzberg dum 2013-2014

4.2. Grundtvig Partnership projekto
4.2.1. La trilanda Grundtvig-projekto ellaborita de Pola Esperanto-Asocio, E@I kaj Germana Esperanto-Zentrum/lInterkultura Centro Herzberg traktis gravan temon sub la titolo: "La plej rekta vojo al aktivigado de la popolo 55+ pere de speciala eduka programo". Temis pri trilanda kunlaboro inter 2009-2011 por trejni Esperanto-instruantojn, kursgvidantojn por la pli aĝa generacio, aktiva enkadre de la Universitato de la Tria Aĝo. Krom lingvoinstruado, metodiko ili ricevis lecionojn ankaŭ pri la uzado de komputiloj kaj la interreto.

4.2.2 La kvarlanda partnereca programo akiris eŭropan subvencion por la periodo 2013-2015, kiu ebligis kunlaboron por trakti la temon: "Kultura diverseco kaj multlingvismo en Eŭropo - kiel lerni pri tio?" Partneroj: 

5. Erasmus projekto:
5.1 Kvar studentinoj de Universitato Vilnius (Litovio) povis pasigi siajn praktik-monatojn en Herzberg kaj plenumi la 3-monatan staĝad-devon lernante pri la laboro de Germana Esperanto-Centro/Interkultura Centro Herzberg, helpante lernejan, kulturan kaj turisman agadojn, varbadon, administradon. 

5.2 Diego Rodrígez Grande plenumis 3-monatan praktikperiodon en printempo 2014 ĉe Germana Esperanto-Centro/Interkultura Centro Herzberg kiel studento de Universitato en Madrid. Li spertiĝis pri organizaj, edukaj taskoj, instruis Esperanton al lernantoj en la baza lernejo, en la gimnazio kaj al plenkreskuloj en la ĉiusemajna klubo. Al lia taskaro apartenis ankaŭ helpado en la Esperanto-biblioteko.

6. Erasmus+
La eŭropaj subvenciebloj ekde 2014 aperas sub la nomo Erasmus+ kaj ofertas financan helpon al individua kleriĝo, pluklerigadaj programoj (K1) kaj ankaŭ al kelklandaj partnerecaj kunlaboroj (K2). Germana Esperanto-Centro/Interkultura Centro Herzberg sukcese ellaboris projekton por 2014/2015, kiu ebligas al kelkaj membroj/gekolegoj la partoprenon en klerigseminarioj, trejnsesioj en Italio, Pollando, Slovakio kaj Hungario. 

ESPERANTO-URBO © 2008 LA-Arts